Ресей азаматшасы 50 оқты заңсыз тасымалдағаны үшін сотталды

Ресей азаматшасы Санк-Петербург қаласына ұшу мақсатында елордадағы «Нұрсұлтан Назарбаев» әуежайының паспорттық бақылау сызығынан өтпек болып, тексеру барысында оның спорттық-аңшылық қару үшін 50 оқты заңсыз тасымалдамақ болғаны анықталды.

Астана қаласы Есіл ауданының №2 аудандық сотының үкімімен құқық бұзушы жасаған қылмысы үшін ҚР ҚК 286 бабының 1бөлігімен, 287 бабының 3 бөлігімен кінәлі деп танылып, оған  600 айлық есептік көрсеткіш 1 361 400 теңге мөлшерінде айыппұл жазасы тағайындалған.

Үкім заңды күшіне енген жоқ.