Қатардағы сарбаз жауапкершілікке тартылды

Астана қаласы мамандандырылған ауданаралық әкімшілік сотының судьясы О.С.Шалабаев ҚР ІІМ 5573 Әскери бөлімінде көшпелі сот отырысын жүргізді.

Сот отырысына әскери полицияның қызметкерлері, Әскери бөлімнің басшылары мен барлық жеке құрам қатысты.

Сотта қатардағы сарбаз Т. кезекші сержанттың бұйрығын орындаудан қасақана әдейі бас тартқаны анықталды, соған сәйкес, сот қаулысымен құқық бұзушы ҚР ӘҚБтК 652 бабының 6 бөлігімен әкімшілік жауапкершілікке тартылып, 15 тәулікке әкімшілік қамауға алу жазасы тағайындалды.

Қаулы заңды күшіне енген жоқ.