Дау медиация жолымен шешілді

Астана қаласы Есіл аудандық сотында «В» ЖК-нің Т.-ға қатысты қарызды өндіру туралы талабы бойынша азаматтық іс қаралды.

Істі қарау кезінде талапкер жауапкердің өзіне 120 000 теңге көлемінде қарызы пайда болғанын түсіндірді.

Жауапкер талапты толығымен мойындады және сот отырысы барысында тараптар ортақ шешімге келіп, дауды реттеу үшін медиативті келісімді бекіту туралы өтініш жасады.

Жауапкер қарыз сомасын жеке кесте бойынша төлеуге, талапкер қарыз сомасы өтелгеннен кейін ешқандай талап қоймауға тараптар келісім жасасты.

Сот ұйғарымы заңды күшіне енген жоқ.