Су құбырына өз бетімен қосылған автожуудан берешек сомасы өндірілді

 «Астана су арнасы» МКК инспекциясы өкілдерімен көлік жуу орнында өз бетінше қалалық су құбыры және кәріз жүйесіне шарт жасамастан қосылғандығы бойынша акті жасалған.

Елді мекендерді сумен жабдықтау және су бұру жүйелерін пайдалану туралы ережені бұзуы нәтижесінде, жауапкер кәсіпорынға едәуір залал келтірген.  Қабылданып жатқан шараларға қарамастан, автожуу бүгінгі күнге дейін өз қызметін жүзеге асырып келеді.

Астана қаласы Сарыарқа аудандық сотының шешімімен кәсіпорынның пайдасына шығын сомасы өндірілді.

Сот шешімі заңды күшіне енген жоқ.