Сс, 24/05/2016 - 17:25
2016 жылғы 31 мамырда сағат 10.00 мен 17.00 аралығында қала азаматтары үшін сот жүйесі қызметінің ашықтығы, қолжетімділігі және айқындылығы қағидасын қамтамасыз ету мақсатында Астана қалалық сотының төрағасы Т.Бәрпібаев интернет-конференция өткізеді.
Конференция барысында мынадай мәселелер қарастырылатын болады:
- Астана қалалық сотының, аудандық және оған теңестірілген соттардың қызметі;
- жеке және заңды тұлғалардың сот төрелігіне қолжетімділігін қамтамасыз ету;
- «100 нақты қадам» Ұлт жоспарын іске асыру мәселесі бойынша;
- сыбайлас жемқорлық көріністерінің алдын алу мәселелері бойынша;
- сот жүйесінің электрондық-ақпараттық сервистерін пайдалану;
- кадрлық саясат.
Астана қаласы соттарының қызметіне қатысты барлық сұрақтар мен өтініштерді азаматтар Астана қалалық сотының ресми сайтының http://astana.sud.kz/rus/node/add/question сілтемесіне жібере алады.
Барлық сұрақтар мен өтініштерге жауаптар сол күні Астана қалалық сотының интернет – ресурсында орналастырылатын болады.
Астана қалалық соты барлық мүдделі тұлғаларды шақырады.