Архив событий

Бүгін Астана қаласының мамандандырылған ауданаралық экономикалық сотында «ТМРА және БҚА дауларын шешу кезіндегі заңнамалық өзгерістерге байланысты өзекті мәселелер» атты тақырыпта дөңгелек үстел өткізілді.

Іс-шараға сот судьясы, ҚР Ұлттық экономика министрлігінің Табиғи монополияларды реттеу және бәсекелестікті қорғау комитетінің, Астана қаласы прокуратурасының, «Астана су арнасы» ШЖҚ МҚК-нің  өкілдері қатысты.

Астана қаласының мамандандырылған ауданаралық экономикалық сотында судьялары А.К.Кәрімова мен С.С.Қабидолдинаның қатысуымен «Мемлекеттік органдардың әрекетіне (әрекетсіздігіне) сот тәртібінде шағымдану» тақырыбында брифинг өтті.

Шараны модератор, соттың бас маман Е.М. Тындыбеков алғы сөзбен ашты.

Кездесу барысында судья А.К.Кәрімова кәсіпкерлердің құқығын және заңды мүддесін қорғаудағы экономикалық соттың рөлі туралы айтты.

Астана қаласының Сарыарқа аудандық сотында сот судьяларының, әділет департаменті, Сарыарқа ауданының мемлекеттік және жеке сот орындаушылары өкілдерінің қатысуымен сот актілерін орындау мәселесі бойынша дөңгелек үстел өтті.

Дөңгелек үстел барысында сот орындаушысының әрекетіне шағымдану туралы азаматтық істерді қараудың сот тәжірибесі зерделенді.

Астана қаласы Сарыарқа аудандық сотының судьясы Ұ.Қанқұлов «Ұлт жоспары – бұл қазақстандық арманға жетудің алғашқы қадамы» тақырыбында «Астана радиосының» «Мен қазақпын» бағдарламасына қатысты.

Астана қаласы Алматы ауданының №2 аудандық сотында ҚР ҚК-ның 346-бабының 4-бөлігі бойынша О-ға қатысты қылмыстық іс қаралды.

Сот 2016 жылғы 31 қаңтарда О-ның көлік жүргізу құқығынан айрыла отырып, алкогольдік масаң күйде «Тойота камри» маркалы автокөлікті жүргізгенін, Абылай хан даңғылы бойымен жүріп келе жатып О. рөлді басқара алмай жол жиектемесін және көше жарықтандыру бағанасын соққанын, нәтижесінде жолаушы Р. денсаулығына ауыр зиян алғанын, абайсыздықтың салдарынан ол оқиға болған жерде қайтыс болғанын анықтады.

Астана қаласы Есіл ауданының №2 аудандық сотында сот судьяларының және БАҚ өкілдерінің қатысуымен соттың ағымдағы жылдың 4 айындағы жұмыс қорытындысы және үлкен қоғамдық резонансқа ие болған қылмыстық істерді қарау нәтижесі бойынша брифинг өтті.

Брифинг барысында К.Дүйсембиев 2016 жылғы 4 айдағы сотта қаралған қылмыстық істердің сапалық және сандық көрсеткіштерін, сондай-ақ тергеу судьясы жұмысының сапасы жайында айтты. Сондай-ақ, судья қоғамдық резонанс тудырған қылмыстық істер бойынша мәліметтер берді.

Астана қаласының Сарыарқа аудандық сотында аз. Т-ның «Нұрбанк» АҚ-ға қарыз шартын жарамсыз деп тану туралы, «Нұрбанк» АҚ-ға оның несиелік тарихы туралы ақпаратты жоюды, моральдық зиян өтемақысын өндіріп алу туралы талап арызы бойынша азаматтық іс қаралды.

Сотта талапкердің атынан қарыз алу шарты жасалғаны анықталды, осының негізінде белгісіз тұлға кепілсіз несиені оның жоғалған жеке куәлігі бойынша алған. Алайда, жүргізілген сот қолтаңбалық сараптамасы  анықтағандай, талапкер Банкпен қарыз шартын жасамаған және ақшалай қаражат алмаған.