Көлік құралын басқару құқығын тоқтату

«ҚР ІІМ Астана қаласы Ішкі істер департаменті» ММ Астана қаласы Сарыарқа аудандық сотына аз. Д-ға қатысты көлік құралын басқару құқығын тоқтату туралы талап арызымен жүгінді.

Сот, аз. Д-ның Астана қаласы МӘОО психиатрлық бақылаудағы диспансерлік есепте  тұрғанын анықтаған.

2012 жылғы 27 наурызда аз. Д-ға «В» санатындағы жүргізуші куәлігі берілген, алайда дәрігерлік кеңес комиссиясының қорытындысына сәйкес оған көлік құралын жүргізуге тыйым салынды.

Жүргізушінің денсаулығының нашарлауы медициналық қорытындымен расталған негіздердің біріне сәйкес, қауіпсіз көлік құралын жүргізуге кедергі келтірудің бірден бір негізі болып табылады, осыған орай сот талап арызды толық көлемде қанағаттандырды.

Шешім заңды күшіне енген жоқ.