Мектеп қабырғасында кәмелетке толмағандардың қылмыстарының алдын алу бойынша семинар өткізілді
Астана қаласының №63 орта мектебінде 2022 жылғы 6 қазанда сот, прокуратура, ішкі істер органдары өкілдерінің, мектеп басшылығының және жоғары сынып оқушыларының ата-аналарының қатысуымен кезекті семинар өтті.
Семинар барысында жастар арасында есірткі қылмысына қарсы іс-қимыл және нашақорлықтың алдын алу мәселелері талқыланды.
Спикер ретінде Астана қаласы сотының судьясы Шынар Ерғалиева сөз сөйлеп, есірткі құралдарының заңсыз айналымына және жастарды есірткі бизнесіне тартуға байланысты қылмыстық істердің күннен күнге артып келе жатқанын атап өтті.