Бс, 08/09/2022 - 18:22
Нұр-Сұлтан қаласы сотының қылмыстық істер жөніндегі сот алқасының 2022 жылғы 7 қыркүйектегі қаулысымен ҚК-нің 217-бабы 3-бөлігінің 2) тармағы және 214-бөлігі 2-бөлігінің 2-тармағы бойынша, тиісінше 7 жыл мерзімге коммерциялық және коммерциялық емес ұйымдарда басшы лауазымдарды атқару құқығынан айыра отырып, 6 және 5 жылға бас бостандығынан айыруға сотталған С. және Б - ға қатысты Нұр-Сұлтан қаласы Сарыарқа ауданы №2 аудандық сотының 2022 жылғы 5 шілдедегі № 2 үкімі өзгеріссіз қалдырылды.
С. және Б. алдын ала сөз байласу арқылы адамдар тобында міндетті лицензиясыз заңсыз қаржы қызметі, қаржы пирамидасын С-ның құрғаны және Б-ның басшылық еткені, жылжымалы/жылжымайтын мүлікті сатып алу бағдарламалары, сондай-ақ «CELL-келісімшарттар» және «Profitbox» бағдарламасы бойынша 259 салымшыны тарта отырып, 1 млрд. 642 млн. теңге сомасында аса ірі мөлшерде ақша қаражатын тартқаны үшін кінәлі деп танылды.
Ол айыптаған әрекеттердегі С. мен Б-ның кінәсі негізгі сот процесінде зерттелген дәлелдемелер жиынтығымен толығымен дәлелденді.
Сот алқасы бірінші сатыдағы соттың тұжырымдарымен, нақты мән-жайлармен де, С-ның және Б-ның әрекеттерінің саралануымен де келісті, осыған байланысты сот актісінің күшін жою немесе оған өзгерістер енгізу үшін заңда көзделген негіздер жоқ деген қорытындыға келді.
Үкім заңды күшіне енді.