Алаяқ ұрланған ақшаны казинода ұтылып қалды
Астана қаласы Сарыарқа ауданының №2 аудандық сотымен Б.-ға қатысты айыптау үкімі шығарылды.
Б., алаяқтық жасау мақсатында анасының рұқсатынсыз сейфтен пәтерге қатысты құжаттарды ұрлап, анасына ұқсайтын әйелмен келісіп, нотариуста өзіне анасының атына тіркелген пәтерге сенімхат рәсімдеген.
Б. жалған сенімхатты пайдаланып, аталған пәтерді кепілге қойған. Сөйтіп, жалпы сомасы 27 млн. теңгеден астам жәбірленуші С.-ның ақшалай қаражатын алдау жолымен иемденген.
Ұрланған ақшаны сотталушы казинодағы құмар ойындарын ойнау кезінде ұтылып қалған.