«Facebook» желісінде таратылған ақпараттар азаматтың ар-намысы мен қадір-қасиетіне нұқсан келтірілетін мәліметтер деп танылды
Нұр-Сұлтан қаласы «Байқоңыр» ауданының соты Н-ның А-ға қатысты талап қоюы бойынша азаматтық істі қарады, онда ол таратылған мәліметтерді шындыққа сәйкес келмейді, оның ар-намысы мен қадір-қасиетіне нұқсан келтіреді деп тануды және 1 млн. теңге мөлшерінде моральдық зиянды өтеуді сұраған.
Талап қою жауапкердің журналист бола отырып, 2020 жылы өзінің «Facebook» әлеуметтік желісіндегі парақшасында посттар жариялап, талап қоюшы Н-ның «Халықаралық білім беру орталығында» жұмыс істеген кезіндегі қызметіне қатысты түсініктеме қалдырғандығымен уәжделген.