Архив событий

Астана қаласының кәмелетке толмағандар істері жөніндегі мамандандырылған ауданаралық сотында «Әкімшілік құқықбұзушылық туралы хаттамаларды толтыру мәселесі талқыланды» атты тақырыпта дөңгелек үстел өткізілді.

Іс шараға Астана қаласының кәмелетке толмағандар істері жөніндегі мамандандырылған ауданаралық сотының төрағасы, судьялары, Астана қаласының ІІД-нің ювеналды полиция бөлімінің басшысы, Астана қаласының Сарыарқа, Алматы, Есіл аудандарының ювеналды полиция құрылымдық бөлімінің басшылары қатысты.

Астана қаласы Алматы ауданының № 2 аудандық соты ашық түрде бөтеннің  мүлкін ұрлаған  К-ға қатысты үкім шығарды. Ол ҚР ҚК-нің 191-бабы 2-бөлігінің 1-тармақшасында (жәбiрленушiнiң өмiрiне немесе денсаулығына қауiптi емес күш қолданып не осындай күш қолдану қатерін төндіру) көзделген қылмысты жасағаны үшін кінәлі деп танылды.

Сот отырысында сотталушы К. өзіне тағылған айыпты толық мойындады.

Сот үкімімен сотталушы кінәлі деп танылып, оған 3 жыл мерзімге бас бостандығын шектеу түріндегі жаза тағайындалды.