Черногория Республикасының азаматы әкімшілік айыппұлға тартылды
Астана қаласы мамандандырылған ауданаралық әкімшілік сотында ӘҚБтК-нің 517-бабының 4-бөлігі бойынша аз. Е-ге қатысты әкімшілік ісі қаралды.
Сот, көші-қон кәртішкесінде көрсетілген мерзім өткеннен кейін үш тәуліктен асатын кезең ішінде кетуден жалтарған, Черногория Республикасының азаматы Е-нің Қазақстан Республикасына шетелдіктердің келу қағидасын бұзуға жол бергенін анықтады.
Сот қаулысымен Е. кінәлі деп танылды және 15 АЕК мөлшерiнде әкімшілік айыппұл салу түріндегі жазаға тартылды.