Сот актілерін орындау мәселелері талқыланды
Нұр-Сұлтан қаласы Алматы ауданының №2 аудандық сотының төрағасы С.Д.Байбосынова онлайн режимде Алматы ауданының пробация қызметінің қызметкерлерімен кездесу өткізіп, соттың үкімдерін уақтылы орындау – олардың ең басты міндеті екенін айтты. Кездесу кезінде соттың төрағасы пробация қызметінің жұмысындағы кемшіліктерді атап өтті және олардың жазаны өтеуден шартты түрде мерзімінен бұрын босатуға, жазаның өтелмеген бөлігін жазаның неғұрлым жеңіл түріне ауыстыруға және тағайындалған жаза мерзімін қысқартуға қатысты ұсыныстары бойынша дәлелдемелер жинаудың сапасына назар аударды.