Архив событий

Астана қаласы Сарыарқа ауданының № 2 аудандық соты ҚР ҚК-нің 379-бабының 1-бөлігі, 380-бабының 1-бөлігі бойынша айыпталушы Д-ға қатысты қылмыстық істі қарады.

Сот талқылауы барысында, сотталушы Д. 2016 жылғы 08 маусымда алкогольді масаң күйде, билік өкілінің заңды талаптарына және өкіміне бағынбаушылық танытып, соңғысына қатысты күш көрсеткені анықталды. 

Сот қаулысымен Д. кінәлі деп танылды және оған 1 жыл мерзімге бас бостандығын шектеу түрінде жаза тағайындалды.

Астана қаласы Сарыарқа  аудандық соты аз. И-дың аз. Ф-ға қатысты пәтерді су басып кету салдарынан келтірілген зиян сомасын өндіріп алу туралы талап арызы бойынша  азаматтық істі қарады.

Сот, 2016 жылғы 12 наурызда жауапкер Ф-ның кінәсінен талапкерге И-дың пәтерін су басып кеткенін, оның бір қабат төмен тұратынын анықтады.

Талапкердің пәтерін су басып кету фактісі 2016 жылғы 12 наурызда қол қойған актімен расталады. Актіге талапкер қол қойған және оны ЖСК төрағасы бекіткен.

Астана қаласы мамандандырылған ауданаралық экономикалық сотында «Сот хабарламалары» тақырыбында семинар сабағы өтті.

Іс-шараға кеңсе меңгерушісі Донской А.И. және сот мамандары қатысты.