Ср, 03/04/2024 - 15:01
Астана қаласының азаматтық істер жөніндегі ауданаралық соты С-ның. Т.-ға қатысты ар-намысы мен іскерлік беделін қорғау және 1 млн.теңге сомасында моральдық зиянды өндіріп алу туралы талап-арызы бойынша істі қарады.
Талапкердің талаптары жауапкердің «Instagram» желісінде таратқан мәліметтердің шындыққа жанаспайтындығына негізделген.
Сот психологиялық-филологиялық сараптама тағайындады.
Сарапшының қорытындысына сәйкес, мәлімдемелерде С. туралы теріс мәліметтер бар екені, олар пайымдау түрінде, пікір, болжам және бағалау түрінде де көрсетілгені анықталды. Бұл ретте С.-ның іс-әрекеттерін теріс сипаттайтын мәліметтер шындыққа сәйкес келмеген жағдайда, адамға күйе жағу болып табылады.
Алайда, жауапкер мәліметтердің шындыққа сәйкес келетіндігін растайтын дәлелдер, оның ішінде дұрыс қойылмаған диагноз туралы айтты.
С-ның тарапынан кеселді диагностикалауда кеткен қателік өзінің растауын тауып, кейін ауыр салдарға әкеп соқтыруы мүмкін болғанын ескере отырып, сот талап-арыз қанағаттандырылуға жатпайды деген қорытындыға келді.
Сот науқастың құқығын қорғады.
Сот шешімі заңды күшіне енген жоқ.