Сот Чернобыль атом электр станциясындағы апаттың салдарын жоюға қатысушының құқығын қорғады

         Астана қаласының мамандандырылған ауданаралық әкімшілік соты С. - ның еңбек және әлеуметтік қорғау Комитетінің департаментіне арнаулы мемлекеттік жәрдемақы тағайындаудан бас тартуды заңсыз деп тану және арнаулы мемлекеттік жәрдемақы тағайындау жолымен жіберілген бұзушылықтарды жою міндеттемесі туралы талап қоюы бойынша істі қарады.

           Талап қоюшы Чернобыль АЭС-на апаттың салдарын жоюға қатысушы ретінде Арнайы мемлекеттік жәрдемақы тағайындау үшін Департаментке жүгініп, оның қатысуын растайтын барлық құжаттарды қоса берді. Департамент қорғаныс істері жөніндегі басқармадан анықтама бермегендіктен бас тартты.

             ҚР Денсаулық сақтау және әлеуметтік даму министрінің 2015 жылғы 3 маусымдағы №445 бұйрығымен бекітілген арнаулы мемлекеттік жәрдемақыны тағайындау және төлеу қағидаларында (бұдан әрі-қағидалар) қорғаныс басқармасынан анықтама беру көзделмеген.

              Қағидаларға 1-1-қосымшасына, атап айтқанда 2-тармақтың 88-бағанына сәйкес 1988-1989 жылдары Чернобыль АЭС-на апаттың зардаптарын жоюға қатысушылар қатарындағы, ҚР-дағы иеліктен шығару және қоныс аудару аймақтарынан эвакуацияланған (өз бетінше кеткен) адамдар үшін жәрдемақы алу құқығын растайтын құжаттар, оның ішінде эвакуациялау күніне жатырішілік жағдайда болған балалар Чернобыль АЭС-де аварияны жоюға қатысушы немесе Чернобыль АЭС-де аварияны жоюға қатысу фактісін растайтын құжат, балалардың туу туралы куәлігі.

              Сот шешімімен талап толық көлемде қанағаттандырылды. Сот Департаменттің бас тартуын заңсыз деп тауып, талапкерге Арнайы мемлекеттік жәрдемақы тағайындауды міндеттеді.

             Сот актісі заңды күшіне енген жоқ (№7194-22-00-4/4009).