«Астана ЭКСПО-2017» бұрынғы төрағасы Т.А.Ермегияевқа және басқаларға қатысты қылмыстық іс сотқа түсті

2016 жылғы 10 наурызда Астана қаласының қылмыстық істер жөніндегі мамандандырылған ауданаралық сотына «Астана ЭКСПО-2017» ҰК-ның бұрынғы төрағасы Талғат Ермегияевқа қатысты, бұрынғы басқарушы директор Сұламбек Баркинхоевқа қатысты, құрылыс департаментінің бұрынғы басшысы Қажымұрат Үсеновке қатысты, сондай-ақ коммерциялық ұйымдардың басқа да бірқатар жұмыскерлеріне қатысты қылмыстық іс келіп түсті.

Қылмыстық іс төрағалық етуші судьяның зерделеуінде. Процестік мерзім өткеннен кейін қылмыстық істі соттың іс жүргізуіне қабылдау мәселесі шешілетін болады.