Тик-Токтағы бейне бұзақылық әрекеттердің орын алуына себеп болды

Астана қаласының кәмелетке толмағандардың істері жөніндегі мамандандырылған ауданаралық сотымен ҚР Әкімшілік құқық бұзушылық туралы кодексінің 435-бабы бойынша К. және .Н. - ға қатысты әкімшілік істер қаралды.

2022 жылғы 25 шілдеде Астана қаласының "Парк Авеню Эксклюзив" тұрғын үй кешенінде 2007 жылғы екі кәмелетке толмаған балалар "Тик-Ток" әлеуметтік желісінде 20 литрлік бөтелкемен түсірілген бейнеэкспериментті көргеннен кейін, оны қайталауға шешім қабылдаған.

Содан кейін 20 литрлік бөтелкені сумен толтырып, оны 16 қабаттан лақтырып жіберген.

Өтіп бара жатқан жолаушы бір жаққа қашып үлгерген. Мысалы, оның орнында қарт зейнеткер, жас бала немесе мүгедек болған жағдайда осының салдарынан ең қорқынышты жағдай орын алуы да мүмкін еді.

Бұл факт әлеуметтік желілердің кәмелетке толмаған жасына байланысты дамуы қалыптаспаған балаларға теріс әсер ететінін көрсетеді.

Сотта балаларды үйде қараусыз қалдырған ата-аналардың кінәсі дәлелденді.

Заңды өкілдеріне түнгі уақытта балаларды ересектердің қарауынсыз жалғыз қалдыруға жол бермеулері туралы түсіндірілді.

Кәмелетке толмағандардың ата-аналарына 15 009 теңге көлемінде әкімшілік айыппұл салынды.

Қаулы заңды күшіне енген жоқ.