Кәмелеттік жасқа толмаған жасөспірім түнгі уақытта интернет-клубта болды

Елордалық интернет клубтың әкімшісі 2017 жылы 7 сәуірде сағат 22.00-де кәмелеттік жасқа толмағандардың интернет клубта болуына жол берген.

Кәмелеттік жасқа толмаған түнгі уақытта және заңды өкілінсіз ойын-сауық мекемесінде болған.

Астана қаласының кәмелетке толмағандар істері жөніндегі мамандандырылған ауданаралық сотының қаулысымен мекеменің әкімшісі ҚР ӘҚБтК 132 бабының 1 бөлігімен кінәлі деп танылды және 30 АЕК мөлшерінде айыппұл салынып, әкімшілік жазаға тартылды.

Қаулы заңды күшіне енген жоқ.